結婚/ 服務日期:4.7.2023

​

經歷左一輯3個月都未收到相既pre wedding，而喺Gavin rate card 見到8個鐘回相就好想見識下。當日6點幾影完，夜晚就收到已經調好色既相。啲相高質到唔知點揀30張精修，但最後發現好多張相唔洗精修就可以出街。而喺拍攝過程，Gavin 憑住佢既經驗引導我地擺pose，studio背景雖然簡單，但喺鏡頭下好多變化。佢仲周不時會用唔同既聲線去引我地笑（好有潛質做幼稚園老師呀），拍攝過程完全唔會覺得緊張或者尷尬。
化妝師Phoebe亦精益求精，未到開始拍攝既一刻，佢都會將新娘子既妝容盡善盡美，而拍攝過程都會留意住新娘有啲咩detail位要執。連新郎比Phoebe化完之後都有種煥然一新既感覺🤣
總括嚟講，好滿意輯相，亦好滿意個妝🥰高度推介。